سميتج محبه وعاطفة واحساس ؟؟ اهداء

مثل الليل شعرج وانه نايم بي
وياعطر الورد مايوصل لعطرة
كل خصله لبشعرج بيهة اثر بوسات
وكل بوسة اعلة شعرج بيهة اذب حسرة
شكول اعلى الوجه وخدودة تفاحات
تطلع روحي وجهج من اذكرة
وجهج كمر يضوي والعيون نجوم
ياهو الشاف عينج مافكد نضرة
الحواجب والرموش وشرد اوصف بيج
من شفتج نسيت اليمنة واليسرة
شفافج من ضكتهة الطعم مدري شجان
مافرقت بستج لو كلت تمرة
عطر انفاسج انتي اطيب عطر بالكون
دخيل عيونج انة وشفتج الحمرة
شحجي اعلى الوجه انة وشكول عليه
ربج خالقج سبحانة بالقدرة
بصدرج شفت اسمي بذهب مكتوب
حضنتج والكلب حصل مرادة
بس الي سباني وحول عيني بساع
شفت اشياء احلة بصف الكلادة
بعدها اني اعترف مادريت شصار
كلبي وكف فجئة وكشي مافادة
مثلج ماشفت بهذا كلة الكون
وغيرج رادني بس كلبي مارادة
اسمعيني انة احذرج يابعد هالروح
خوفج من جمالج كومة حسادة
انة اول بشر يحسد جمال البيج
وانة احلم اصير الراسج وسادة
اريد انطيج كلبي وكلبي فرحان
لان كد مايحبج كلبي كارهني
ياطول النهر ياأجمل انسان
يلحجولج مثل مجنون خلني
سميتج محبه وعاطفة واحساس
وانة اعرف بعد بيج اضعاف ذني

اهــــــــــــــداء خـــــــــاص لشخص عزيز علية اتمنى يوصل اهدائي الة

تحياتي الكم رغد حاتم ( لــو تهـــوانـــي لــــــــو تنســـ~ـانــي لاتخلينـي بحــزانــــي)

» كود شريط اهداء
» احن اليكي ياآمي: اهداء الى امي الغاليه ًًٌٌٍٍٍََََََُُُِِ~