شنو ذنبه الوطن يوميه مجروح؟؟بقلمي

شنو ذنبه الوطن يوميه مجروح؟؟
ويصرخ من جروحه ومحد يسمعه

مسكين اتخدع هالوطن بالناس
بقى محتار دوم وعايش بخدعه

إبتسم رغم الجرح حسباله تهواه
وكلهه اعداه حيه ورايده تلسعه

وبقى يبجي بدمع وبحسره وهموم
اووينه الي ينشف هالوكت دمعه

ويوميه انفجار وابرياء تموت
وصبح اسم الامان من ايده مضيعه

وينزف جرح ولده وابد ميطيب
ومُرطعم الصبر مايكدر يجرعه

كم ام بابنهه تألمت اليوم
شكثر شهدت جرح وشكثر منفجعه

من شافت دماه اعلى الارض سال
وصاحت (آه يمه)وركضت مفرعه

يلم ناسه العراق يريد هاليوم
وبس باقي جروحه متوجعه

ويتمنى بأمل ترجعله الأحباب
ياربِّ الوطن بأحبابه تجمعه

ونحبكـ ياوطن صدّكنه نهواكـ
ياغاية امل بدروبنه وشمعه

إهداء الى من تالم لما
حدث للعراق من جروح
والام ولمن تالم من سماعه صوت
انين اليتامى والامهات
بقلمي